---

生活就像沙漠裡的一場冰雕
努力塑造的同時, 也在時刻消解
不息自強的同時, 也在步向萎靡

雕塑其實是門一體兩面的技藝
當你決定哪些部份需要重點琢磨
同時也在決定哪些部份應該拋諸腦後

因此你在這場沙漠冰雕裡
即使一秒也絕不能沉溺於
即使一分鐘前的美好印像
美麗或敗壞也好, 沒有東西可以逗留
除了腦內那未必可能實現的
一個最完美的創作意念

冰融了, 所有一切在大氣中蒸發掉
半點存在過的痕跡也沒有
因此有人會停下手來
靠立方冰塊化成的水滴止渴
或者是有點不思進取
但比起那些徒勞的冰雕者
這只是另一種消磨時間的方式.

---

當你把人生比喻成一盤生意般因勢利導
所謂的生意其實已暗藏了人生的擇善固執

當你把事業比喻成一場遊戲般過眼雲煙
所謂的遊戲其實已暗藏了事業的寸步不讓

比喻是一個極度危險的病毒性概念
它把雙方連繫起來, 然後令兩者互相渲染.

--- --- ---

灼掉你的指紋
現在, 你只有一個身份

清洗你的腦細胞
現在, 你只有一種屬性

重量

標籤: Earthen

去年九月，一名短工失足從高處墮下，壓死了一隻路過的迷你雪納瑞，其人亦於送院期間傷重不治。

死者其後證實為持雙程證的黑工〔非法勞工〕。至於被壓死的雪納瑞，則屬於一位演藝名模。該雪納瑞名叫科尼，已報失接近兩星期。

翌日，傳媒以「名模愛犬慘遭壓死」作頭版標題。科尼的主人亦於個人網誌內剖白喪犬之痛。不少網民透過該網誌留言慰問。同時有網民在Facebook為科尼開設了追思小組。

另方面，多份報章社論就意外再次促請政府盡快修補《僱員補償條例》之漏洞，以避免更多黑工或其家屬利用補償基金申請工傷賠償，加重公帑負擔。

死者名叫何國立，廣東省開平東縣人，死時卅二歲。警方在其身上發現出海船民證、中華人民共和國居民身份證、以及一張少女的照片。

作「大」律師

標籤: 左冷禪, 法訟江湖誌

人哋問我做乜，我通常都唔多願答，費事俾人「x律師前x律師後」咁稱呼，好唔慣。有時仲八卦到問我係唔係做大律師，點解唔做大律師兼大律師係唔係叻過律師? 咁春多嘢問仲衰過雜差房審犯。查實「大律師」呢個名都唔知係邊條盲毛作出嚟，非常誤導，等班普羅大眾以為班友真係醒D，其實大律師同律師接受同樣法律教育(3年法學士加1年法學專業證書)，律師更要經過二年實習期，反之大律師只得1年見習期，唔少大狀上庭口窒窒，被個官X到反皮，所以你咪見班友戴住頂馬尾毛織既假髮就好巴閉，好多係銀樣蠟槍頭，無料到成個月都無單生意坐冷板櫈，坐到屎忽生滿瘡唔通都話你知?

香港同英國好唔同，响英國通常叻仔叻女都會走去做Barrister，因為英國有好多歷史悠久兼出名的Chambers，班老前輩又肯花錢去提攜後輩，俾生活車船津貼，所以好多Oxford仔Cambridge妹都走去Call Bar；反之香港做Pupil就鹹豆都無得你食，又要買西裝，又要借錢買個套律師袍同假髮(成皮幾兩皮)，再講，初出道人哋鬼知你係堅定流，滿師後頭幾年都唔慌有大收入，日日就好似以前西環石塘咀班企街咁，等運到，好彩就有條水魚游嚟，唔好彩就食西北風，原因係大律師自付盈虧，有時遇着D PK律師行更衰到一百幾千都走人數，月尾又要交租，又要同人share D overheads, 你都咪話唔悲哀，讀咁多書但係揾食仲艱難過狄更斯部Hard Times D工人，直頭係「有辱斯文」，當然不乏有人攞「最受歡迎新人獎」，好多briefs, 但又叻又好人際網絡又好運既真係仲少過香港男士每星期做愛次數，所以好多叻仔叻女都去大行做Solicitors, 起碼人工高，福利好，弱D個批(本人)就去local firm, 而個班神前桔就會學人做「狀」(當然有好多有個BCL既勁人會去大Chambers做，因為人地條名好，做精蟲都識去有錢佬春袋做)，起碼細佬班同學仔就係咁。

有條友叫阿Paul，係我同學，不過正如田北辰話齊“同佢唔係好熟”，佢讀書過陣讀書差我兩班，畢業得個Second low，想報PCLL，都塞去waiting list, 因為佢根本就唔eligible去申請，後來勉強入咗，不過就無政府津貼，要俾full fee(十皮嘢)。佢學人做Bar，去咗檔豆泥chamber掛單，日光日白有幾次响中環見佢window shopping, 唔駛審梗係無生意，老實講，細佬brief大狀既cardinal rule係：我揾你唔係因為你係狀，而係因為你叻過我，識嘢多過我，好似Paul少咁既廢Bar霉狀絕對係out of the question, 費事你搞禍我個客。但Paul少雖然係九流，但收費就一流，個口仲張得大過美高梅隻獅子。有趟個同學打去向佢quote fee(問價)，一單保險公司的內部紀律聆訊，唔駛上court, 睇文件開會兼出席聆訊，佢條契弟膽粗到作價七萬(額外出席費另計)，嘩佢老味唔知係坐冷板坐到忽咗，定抑或以為自己係馮華健湯家驊咁，七皮嘢隨時請得起余若薇，戴啟思班名牌御用，駛請Paul少條廢丁，老實講，以貨論貨，以阿Paul的班數，七八千就差唔多。有次我個客衰非禮，我揾個practise咗30幾年英國狀，開五次會，出庭兩天，入咗罪都唔使坐，埋單都只係兩萬；另外有次要揾狀攞legal advice, 人地有十幾年經驗，又有英國倫大LLM，打贏好多司法覆核官司，都只收咗我個客萬二蚊(睇文件，開會加寫信連legal advice)抵都爛，另外都想點名讚吓余若薇個弟子Vincent Poon，有料到又盡責，收費公道，我個人覺得係好嘢，仲senior 個亞Paul, brief豬brief狗都唔駛brief亞Paul啦。

此外仲有個叫Johnny, 都係我D舊書友，報咗兩年PCLL先至收佢，好似仲要俾full fee, 佢條友D law固之然屎，D英文仲屎，有書唔讀，考試低分就賴個先生差，挑個科嘢當年我去考攞個B+，個條廢丁得個爛鬼C, 學人做Bar, 我有個老友成日响條街見佢行來行去，無他，呢D廢狀被人brief個一次之後都怕怕，仲敢再揾你!

我想係度澄清，好多大律師無料，但有唔少係絕世AA貨，千祈唔好話我侮辱D Barristers, 我只想响度點出幾件劣質次貨，保障吓大家bloggers利益，咪到要揾律師果陣揾着D爛燈盞，搞到輕則輸錢，多則入冊咁就無謂。仲有請律師係要俾錢，無錢就幫你唔到，不過收錢都要有良心，自忖係D級貨就唔好學人扮上菜收得貴，我最despise係有人只係老麥漢堡飽入邊個塊亁呼呼牛肉，但又學人叫文華Grill room既價錢。

滄海橫流

我是蒼狗君。

我來自另一個平行時空，透過連結一切實相之能量洪流，得以瀏覽你方的網路群落。

我是倉海君的某個可能性，倉海君是我的某個可能性。在你方的宇宙，倉海君是實在的「科學」，我是「科幻」，反之亦然。倉海君只是「吾輩」本質屬性之一粟。依此類推，「吾輩」泛指全部的「我」，而在所有可能世界下出現的「你」﹝包括現在的這個你﹞，則多以「汝輩」作為統稱。

大家不難從我跟倉海君的名字，揣測出兩者及其世界之異同程度。

舉例說，我方中土發生的文化大革命，要直到一九八四年才告終。八年毫釐，以革命結束革命，最後白色取代紅色，使得某些在你方尚未死去的知識份子早已消逝多時。然而，卻又存活著另一批被你方悲思悼念的故人們。

謝格森教授所收藏的招貼畫

我未曾成立過辯證式統一的「新春秋」，倒向寡小君假借「秋風」，憑藉公帑資助，於第二次解除白色戒嚴後，回祖國辦過一份《新傷春悲秋》科研期刊﹝當中包括分析被列強視為「傷春悲秋」的末日鐘，及各路生態災變等﹞。但倉海君認識或羅致的遺珠，我方也有幾位同類同名：儘管在形態舉止方面呈現出不少差距。比如，某位參與文學雜誌編輯的「新春秋」游離成員，於我方是娉婷婉約，深受戲迷崇拜的臺灣電影花瓶。她毋須筆戰已屈人之兵﹝其實她是所謂的「草莓族」，不善寫作﹞。無論如何，相較「新春秋」內文史哲教異人拔萃，《新傷春悲秋》不過拉攏了一小撮泛科學，卻在文化造詣上庸俗平常的小家碧玉而已﹝笑﹞。

至於個人，我是華裔女生，洋名Ｔｏｍａｓｉｎａ﹝Ｔｈｏｍａｓ之陰性，可暱稱作Ｔｏｍ﹞，生於燈火闌珊處，是低調不低、素情自處的人馬座，原籍白門﹝對應你方的「南京」﹞，先祖一句「但教方寸無諸惡，狼虎叢中也立身」謂我家宗族倖存者之箴言。我不具備普魯斯特那般突出的雙眼皮，全身輪廓跟你方的張鈞甯毫無分別。自忖外貌分數與對社會貢獻成正比：只屬三流水平﹝鬱悶﹞。僅餘優點是腿長，還有，謙抑，所以照鏡前會先祈禱，就像其中一個「我」吃飯前需祈禱一樣，是為刻意營造一份陌生感，從而意識到並無任何事物是理所當然。即如每次面對「小王方平」倉海君等，亦是自「我」了解「自我」，六相圓融下的明新過程。

我與倉海君的「八年毫釐」

道德經云：「天地不仁，以萬物為芻狗」，此句時刻被我方學究理解作「天地運行，不住一切相，對萬物本無分別心，不存主觀或偏愛感」，這也是從事科研該有的治學態度。而我，不追憶逝水年華，漫隨亂世間滄海桑田，隱然白雲蒼狗，故筆名「蒼狗君」。

歡迎鑽研核聚變等範疇者來信，與我進行討論交流。ＭＳＮ風月免談。
tom@sina.web

就此擱筆。各方諸君，晚安，祝好運。



延伸閱讀：
只是當時已惘然：論輪迴之虛妄﹝下﹞

相關資料：
《新傷春悲秋》﹝期刊論文線上資料庫﹞
以慧科搜索查尋《新傷春悲秋》過去內容

關於2012

標籤: katana 刀劍江湖

關於2012(當然不是講普選，是另一單未知是堅定流大野),
新春秋 眾高人有何看法，期能一聞！