志雲獨白Live on Stage

標籤: 瞎扯淡

不過好可惜，我唔小心，用剃刀割損左塊面，我戴住口罩，係避免大家誤會我面上嘅傷痕係嚟自ＩＣＡＣ。


大師，每次見親你，你都永遠細皮白肉，面泛飛霞，總不禁聯想起道行高深，道貌岸然，身邊有悟空沙僧傍實嘅三藏法師。。。呀，忘記大師有個諢號叫韋公公，乜閹豎之流，都有鬚可剃嘅咩，又？


當然，我亦都要好感謝旺角花墟嗰位賣碌柚葉嘅老闆，多謝你嘅買（賣）一送一。

大師，唔使擔心，我地唔會懷疑有冇「食價」，迫老細送多塊俾你嘅。不過，唔知你知唔知超市有隻叫碌柚葉萃取液沐浴露呢？又平又抵用，包你由頭乾淨到脚趾罅，重好似做緊特價添。咁筍嘅温馨小提示，記得多謝我喎。

如果你都遇上咗一啲變化，一啲莫名奇妙嘅變化，請你唔好驚，唔好亂，唔好放棄。因為，真的假不了，假的真不了。

嗱，肆叔今匀要學野喇。「你出一萬，我賠一百萬。」依句稍覺「起晒弶」啦。人地問你天匯有冇虛假造市，果十字真言咪四両撥千斤，冇晒味囉。丫，萬一問到點睇樓市泡沫，重可以以寬厚長者姿態勉勵八十後：「當個水位，有一啲莫名奇妙嘅變化，請你唔好驚，唔好亂，唔好放棄。勇於做按啦。」
哎吔，唔怪得大師寧願買葉都唔用梘液咯，「真的假不了，假的真不了」嘛！