上聯：
很黃很暴力
下聯是什麼?(答案在回應中)
新春秋我見
標籤:
.bwd.,
不吐不快
背景音樂:
近日許多人留言想新春秋各劍仙重出江湖, 在這赤口之日, 於郊野, 抬頭看見晴朗的天, 低頭瞥見一叢薇甘菊, 內心突然湧出一份惋惜, 不吐不快。
不如由往事說起。新春秋於我, 是一扇通往室外明媚之窗。通過這個17吋的小窗口, 我看見一片精彩有趣的天地。我這個超級懶人, 因為大家很有意義地分享自己的知識, 驅使我努力找書讀; 多少次, 在我人生低潮時, 我靠著讀這裡的文章去捱過無眠的夜, 撫平內心的傷口。談到我有興趣的話題時, 我會一天click它個十多次; 看著大家的對答, 真箇食不知味, 真的, 剛想留言加點甚麼時, 高手又會有新的看法, 衝擊著我腦中那剛成型的論點。新春秋之於我, 不止是個分享知識的平台, 情感上, 它彷似是我一個朋友。
記得最初加入新春秋, 我是很開心的。雖然是每個人也可加入, 我對很多看官來說也只不過是路人甲一件, 但我內心可是因為自己能成為這裡一名小小的contributor而感到榮幸。記得有次我到上海公幹, 剛剛在機上哭過, 想上新春秋讀文, 上不到, 我還特地問首領 - 這個詞對我來說可不是個無傷大雅的花名, 我是真心尊敬首領故以首領稱之; 當然, 另一個自己亦告誡自己這種"祟拜"首領可不是好習氣, 但我想, 慧眼識英雄, 怎樣說也不是壞事吧? - 首領回答"新春秋在國內被封已久"。那刻, 我覺得自己好像大人眼底的小孩, 做了淘氣的捉狹事, 很好玩, 也忘了流淚。
當我見到啲無聊惡搞留言或文章時, 我內心是憤怒的。你班撚樣, 我間屋得咁少窗口, 你哋都要夾硬將呢扇窗閂埋。好好玩咩? 好好笑咩? 我唔覺! 我有一點澄清, 西神嘅文章或留言, 有些, 我唔覺係無聊嘅, 起碼, 我寫唔出啲咁刁鑽食字食得咁好嘅文章 (你估易咩?); 奸人堅, 我哋唔同路, 但佢有立場, 佢嘅留言, 有些係有刺激我去思考, 甚至我唔鍾意嘅果啲原教旨基督徒, 最起碼, 佢哋嘅留言都令到我個腦運轉吓吖!
但係果啲純粹無聊純粹惡搞嘅留言/文章, 喂, 亂, 都唔係咁亂法, 吓話? 你哋喺度做乜唧? 一個兩個都算, 當你細路仔唔知訂。但係對一篇花心思寫, 為著和別人分享自己覺得有意思的事的文章, 呢啲咁嘅無聊回應, 仲要成版咁撻埋嚟, 我睇完真係火都嚟。你哋知唔知自己咁做, 就好似啲薇甘菊咁, 絞死咗棵健康嘅植物後, 你哋都會死... 你仲望高手們會喺度寫嘢? 係咪天真得有啲無知呢?
對你哋嚟講, 可能, 留個超級無聊嘅言係好重要嘅, 可能, 呢個"好玩"嘅感覺係你哋人生一個好重要嘅元素。但係, 呢度唔係你嘅私人blog, 唔係話你鍾意點舞就點舞! 我咁不通世務嘅人, 都知道, 群體, 需要嘅係, 分寸。你玩還玩, 失咗分寸, 咪唔好囉, 係咪?
說回新春秋, 我不知道是甚麼原因做成今日的境況。我這篇絕非代寫手們言, 我只是說說自己的感受。其實沒有原因, 也不需要原因; 時間不停運轉, this day will come sooner or later。知道原因也沒意思, 因為, 嗯, 大家都失戀過, 是吧? 破鏡, 幾能重圓? 或許這樣說不對, 可能, "新春秋第一階段"已完成, 就這樣。就好像icq, 曾經十分流行, 現在, 我們連msn都不用, 用facebook了。當然我不是說新春秋已完成其歷史使命, 我內心也不想新春秋變成icq呀! 但是, 時光, 流過了便是流過了; 你想抓住也罷放下也罷, 時光不會為任何人駐足。每個正常人都懂得在人生的路上向前走, 出色的人更是走得比別人快。我不是個豁達的人, 今日呢篇出街, 我準會被說放不下, 我想說, 這不是放下與否的問題, 而是, 對於曾經燃亮我人生的精彩, 我記著並感激; 而那些掐熄我人生裡一點星火的賤人, 哼。
按鍵之時, 電視正在播《時間倒流七十年》, katana兄, 時間, 會逆轉嗎? 我不願想。有心人們, 不要再留言說懷念以前的新春秋了, 好嗎? 我看著心裡不好過。好不容易說服自己萬物有時, 你們的留言又撩起那鎖於櫃裡的惋惜, 何苦? 我的Pisces instinct告訴我, 是時候停止向眾神祈願了。
背景音樂: 《某日‧某君‧某一次》(《二人前‧2人後》主題曲) / 曲: Frankie Ho / 詞: 陳文剛 / 唱: 黃龍斌, 林澤群 @ 異人實驗劇場
Coffee, or tea
標籤:
.bwd.,
戲如人生
香港電台的《首作影畫》, 今晚介紹的是《咖啡, 或茶》。
Coffee or tea? 在飛機上常會聽到的問題。上語文課, 頭一個月內一定會教的一條問題。
但我想談的, 不是飛機也不是上課, 而是, 這齣《咖啡, 或茶》頗不錯。
故事改編自蔡浩泉的同名短篇小說。應該不是一個太複雜的故事。兩男一女, 面對著我們日常都會觸碰到的: 關係, 過去 (等)。電影crew是演藝的學生。由於節目只輯錄電影的一些片斷, 也沒有讀過小說, 我無從得知導演的功架。但鏡頭的運用很合我意。
看得出鏡頭的運用頗用心, 想將觀眾帶進電影裡。有些電影(戲劇亦然)會令觀眾自覺到觀眾的身份, 觀眾很清晰地意識到, 自己正在(偷)看(其他人說)一個故事。有些電影/戲劇則帶觀眾走進故事, 讓觀眾溶入那個世界。這其實與鏡頭怎樣調度有關, 因為不管我們的思想能達多遠, 在電影院中, 我們看到的, 畢竟就只有這麼一個長方框。鏡頭無法控制我們看到甚麼, 但它能控制我們看不到甚麼; 它間接地賦予我們一個角色。從節目播出的電影片斷中, 我瞥見一種 “親身感”, 彷彿我也在這個故事中, 是一個隱形的角色, 和主角們一起呼吸。個人較喜歡這種表達方法。
就片斷來看應是齣 “少說話多做事” 的電影(希望事實上也是)。這也很合我口味。如果拍電影只不過是在我面前放幾個人不停說話交待劇情, 你不如給我小說我自己看 - 當然, 若電影對白的鋪陳精彩如The Man from Earth那又另作別論。
我總相信, 語言是人與人之間產生誤會的一個主因, 因為, 人們對語言太不敏感了。我們太習慣了 “語言” 的存在, 忘了這其實是一份珍貴的禮物。人們沒有用心地使用它, 別人說話時, 也沒有用心地了解 - 香港人許是太忙了? 人們沒有為意語言的intertextuality, 我聽的根本不是你想說的, 誤會便由此而起。所以, 我向來支持在演出(電影/戲劇)中, 多些用肢體, 或音樂, 或圖像, 或場景去交待故事/訊息, 少用語言。肢體, 音樂, 視覺 (場景/圖像), 這些都是些較為需要用 “感性” (對比語言的 “理性”)去理解的 “語言”, 換句話說, 它們當更能穿透我們的心, 將訊息帶到我們內裡 - 一種直覺式的感應, 而不是讓我們困於語言的謎宮, 從而忘卻看故事的樂趣。
節目中訪問了導演關文軒, 他說, “可能觀眾會覺得, 這電影跟以往所看的不同…希望觀眾可以考慮到這是學生的作品, 考慮到這是師生一個學習的機會”。我想, 他的意思是, 觀眾看到這齣電影會是普羅大眾心中 “非主流” 的電影, 若不喜歡, 至少也考慮到這是學生的作品? 但我想, 嗯, 你拿得這齣作品出來, 應對它有多點信心。事實上, 就片斷來看, 我覺得, 至少, 鏡頭的調度真的不錯呀。楊淇與陳兆禧好像也演得不錯。
論創造奇拿的人性測試(web2.0之潛藏力量)
標籤:
katana 刀劍江湖
→『禁照門』
似乎真實世界的思潮和法律已經未能跟得上web2.0時代。一單不太複雜的技術性"藝人禁照"流傳或管有已經弄至香港警方一頭煙。
日前有電腦專長的劍友講出一個很人性測試的行為，假如有神秘人去照做便後果不可收拾。他們謂假如那些已發或未發的拷貝，如果仍然有人管有，他只需要在電腦中燒製光碟幾十或幾百只，在香港、澳門和大陸的能上網場所留下在電腦中不取走，間間放一張，那可以很可怕，那些發現此光碟的人的反應和行為可以影響一切，人性好奇，一定引起騷動，再跟著互相網路電郵傳閱或者無知地發上網，那時候便天下都是源頭。
利用人類好奇心來將這件"藝人禁照"推廣至警力不可能有能耐管轄之廣域中，那權力和法治便成功被互聯網產擬世界擊倒，web2.0之潛藏力量不可以量估，但參與者或所謂犯案者可不知道如何界定，就是這點最可怕。
本來無一物，如果沒有【真】相，一切都不可能在虛擬中成實，亦是一次互聯網掀破人性假面的力量宣示。
而且看來此"藝人禁照"事件必定留名世界大事史冊，而且結果將會是「羅生門」。
日前有電腦專長的劍友講出一個很人性測試的行為，假如有神秘人去照做便後果不可收拾。他們謂假如那些已發或未發的拷貝，如果仍然有人管有，他只需要在電腦中燒製光碟幾十或幾百只，在香港、澳門和大陸的能上網場所留下在電腦中不取走，間間放一張，那可以很可怕，那些發現此光碟的人的反應和行為可以影響一切，人性好奇，一定引起騷動，再跟著互相網路電郵傳閱或者無知地發上網，那時候便天下都是源頭。
利用人類好奇心來將這件"藝人禁照"推廣至警力不可能有能耐管轄之廣域中，那權力和法治便成功被互聯網產擬世界擊倒，web2.0之潛藏力量不可以量估，但參與者或所謂犯案者可不知道如何界定，就是這點最可怕。
本來無一物，如果沒有【真】相，一切都不可能在虛擬中成實，亦是一次互聯網掀破人性假面的力量宣示。
而且看來此"藝人禁照"事件必定留名世界大事史冊，而且結果將會是「羅生門」。
→『禁照門』
...所有撰寫
淫照不能存，威武實能屈
標籤:
左冷禪,
明日黃花,
法律隨筆
近排最多人談論既，梗係希少單靚相事件。個個見面開口就係句﹕「有無相? 可唔可以send俾我?」你問我點睇，老實講句如果係平民百姓中招，我會寄予同情，但係呢班娛樂圈既狗男女，平日生活荒淫縱慾，扑嘢扑到自拍，問心個句，你拍得出嚟就要預咗會俾D陌生人睇到，等於你學人做黑社會，就預咗一係被人劈死，一係被皇氣鎖。食得鹹魚就要抵得渴。
啲相出咗街，有人就話係合成照，但係你睇見白痴相中個銷魂樣，打大對腿，你話會唔會有人平時影相擺個咁蝕骨發姣look? 唔信你又可以睇吓寶寶扮韓湘子同希少魔笛追魂個幾幅，連條舌頭都用埋添，見住佢揸住支嘢(人哋話橫笛直簫，雖然希少支嘢無簫咁長，普通料，不過都當佢係)個冧樣，諗都諗到唔會係平時同三姑六婆影相個樣，再者寶寶全程望實個鏡頭，好專業，打死都唔信係合成! 唯一值得同情吓係阿嬌，佢俾希少摷陰個幾張訓覺相，明係唔知俾人影咗，被希少過咗一楝。講到尾，始作俑者都係希少條仆街，佢條粉樣除咗靚仔家底好之外，根本就係一無是處，a sickening scum boy，而個D女十居其九被希少昆上床都貪佢靚仔同出手闊綽，動不動都送名錶、名鞋限量版精品，咁貪慕虛榮既女人，有咩好同情，要同情反而我會同情吓"白痴"老公同寶寶個未來夫婿，頂綠帽由頭戴到落腳趾，真係點除都除唔到呀陰公。
呢單嘢同當年成蟲滾大伊犂個肚伸大言不慚話呢嘢係男人都會犯既錯事差唔多，平時生活荒滛，斷正個陣就想臭屎密擒，世事邊有咁便宜，不過希少好過成蟲好多，因為擺明自己係滾友一名，當正D女好似公廁咁，今晚响呢度放底D，明晚又响第度放D，佢從來無話自己唔係邪派，反之成蟲條撚樣就成日扮大佬扮正義，仲走出嚟代表香港宣傳旅遊業，等於叫希特拉宣傳博愛差無幾，真係連隔夜飯都想嘔埋出嚟。叫隻死人戲子佬走出嚟大罵道德淪亡，但又請問希少咁濫交咁sick玩自拍又賤格到玩偷拍阿嬌等，班女咁輕易就被人扑，唔知佢哋D道德又淪唔淪亡。平時班女就扮哂玉女，點知個個骨子裏都係淫娃，反正映個班成日話自己係artist既戲子，個個同所多瑪班居民差唔多，聲色犬馬，做父母既就要諗吓自己的子女，視呢班粉樣做偶像，等同視屎坑篤屎做偶像無分別。以前舊社會啲人話「戲子同老舉差唔多，又話台上戲子，台下乞丐」。真係有智慧。
不過成件事最令我震怒唔係有人發放D相，而係班差佬劍拔弩張，仲時刻凶市民話連收藏D相都有問題，挑，咁你班嘢米仲惡過秦始皇，我部電腦都有相呀，鎖我呀。條Control of Indecent and Obscene Article Ordinance Cap 390針對既只係發放，仲係向公眾發放個隻，我叫三五知己嚟我屋止，揸住杯紅酒，一邊睇一邊飲，你又吹得脹咩，如果連收藏都有罪，咁希少就係第一個藏家，你又鎖唔鎖佢呀? 不如遲D連睇過都要死，咁同黃藥師叫梅超風殺哂所有睇過「九陰真經」既人有咩分別？D靚相被人睇吓就咁撚緊張，班流浪貓狗被條變態撚樣虐待至死，班死差佬就多多藉口，話難調查，有人去報警又愛理不理，希少隻狗公輯扑嘢相就咁緊張，呢頭話調查有一定困難，果頭又拉咗幾條友，快過打針，證明差佬做事係睇吓保唔保度班有錢佬利益。人哋班愛護動物既熱心市民去報警就懶理，霍汶希條八婆去報警就咁肉緊。老實講句，我就唔覺得條狗公同班狗乸輯相發放咗會影响公眾利益，你見班市民睇得咁開心，D雜誌賣得咁行，就知公眾好鍾意，我認為獲益良多就真啦。
差佬今趟選擇性檢控，如果鎖過班全部衰勒索咁都可以理解，因為案情較嚴重；但如果只係發放，咁就令人有點唔順。因為好多人都有send俾人(發放)，但响法理上，選擇性檢控係無問題，亦唔係辯護理由(ground of defence)，但係就可以成為求情減刑理由。好似咖啡仔捉行人衝紅燈咁，通街盲毛都衝紅燈，淨係鐘意拉你，吹咩! 仲有今次呢單嘢好似話找Interpol介入，皆因互聯網系統主機响外國，但你又唔好諗住坐Turbo Cat去澳門或者豪D坐飛機去布拉格發放輯靚相就無事(我本來都以為係)，等香港法院無jurisdiction去審你，因為睇番Criminal Procedure Ordinance Cap 210第19條話 “In any indictment for an offence committed on the high seas or in any place outside Hong Kong, an allegation that the person injured was, at the time of the offence charged, within the jurisdiction of the Hong Kong courts shall be a sufficient allegation of the jurisdiction of the court to hear and determine the case.” 所以去直布羅陀或南極發送但只要希少同班女响香港都係吟詩吟唔甩。
听人講好似話差佬拉咗人唔俾保釋，據我所知個story好似唔係咁，不過差佬鎖咗人48小時(頂多72小時)就要落charge兼送去magistrate過堂。見完官，一般都會俾保釋(court bail)，通常都係交出旅遊證件，每日去差館報到，再唔係就加埋surety，好少話唔俾放人。除非係Criminal Procedure Ordinance s.9G入邊話疑犯可能騷擾證人/受害人或者係保釋期間犯案，當然仲要睇吓案情有幾嚴重。但係如果差佬己經檢獲哂而又己經用咗所有行動去剷哂網上d相，咁又點可能再去發放靚相呢。第二，依家唔係告殺人強姦，如果個疑犯唔係影個位，根本就無可能再犯案，因為條罪的元素係鹹相加公眾發放，鹹相都俾人充公哂，又無得再影過(斷估佢都唔會揾 “白痴”佢哋再影過)，咁又點會再犯案? 第三，我唔知差佬的料有幾堅，不過發放鹹嘢唔算嚴重罪行諸如持械行劫、謀殺、販毒、三合會罪行，除非有料話條友係用批相勒索希少(咁就唔只係用s.21)，否則單係發放鹹相唔算係嚴重罪行(偷嘢最高刑罰係10年，s.21只係3年，但偷嘢多數俾保釋)，無理由remand in jail custody for eight weeks咁撚耐。理由一字咁淺，如果話要用八星期去check吓D相既真偽係多尻餘，因為無論輯相真又好假又好，發放(公眾)就有罪，所以真假係irrelevant。如果差佬諗住攞呢八星期去蒐集多D罪證就重大問題，因為佢哋suppose過堂己有prima facie case去告人，如果料唔足，根本就唔應該落charge。大原則係justice delayed is justice denied。所以我只有嘆一句: With due respect, His Worship’s refusal to grant bail is wrong in law.
以前都係甘ka喇！
標籤:
katana 刀劍江湖
華語電影中的經典對白：「以前都係甘ka喇！」
以前黑社會幾好分呀.....
以前差人大晒......
以前有錢佬惡晒......
以前做官好威ka......
以前做明星好正ka......
依家有互聯網喇，大D！檢點下喇......
聽「民主鬥士」演講後有感
標籤:
左冷禪
早排响法律年度典禮，忽然民主的老湯又大放厥詞，話近兩屆大狀公會會長無企出嚟為港人爭取民主，淨係識得為同業爭取利益，唉老湯佢真係永遠唔改用個肺講嘢的作風，估唔到佢老哥枉稱狀門高手，但法律打官司以外的事就一知半解，九唔搭八。
首先，大狀會會長為自己會員爭取利益同揾食機遇絕對係天經地義，好似當年鍾大蛇話齋﹕「冇飯食講乜民主。」如果做狀做到兩餐不繼，收入仲少過大家樂個位經理，咁就算今日即刻比你直選特首，又有撚用咩? 民主可以當飯食呀?
第二，唔知邊本Law書話佢知做律師一定要支持雙普選，呢樣係政治取向，同性取向一樣，係個人私事，正一關佢老湯撚事，唔通個個律師都好似當年佢班大狀咁郁D都做MIB
(Men in Black)上街遊行乎? 更何況唔知佢個腦係唔係下垂落個屎忽度，民主真係適合現在的香港? 又或者香港人的素質適合响2012年普選特首? 老實講，就算俾你爭取到2012年普選特首，你老湯同班民主派政客未必就有運行，唔俾你哋好似區選咁輸到仆街咩。論人力同資源，民主派都唔係左仔個皮，俾你班契弟爭取到民主都未必坐正。佢哋班民主大狀除咗薇姐外，其餘都無咩實際，好似老湯咁，我知幾年前佢有個mentee屋企出咗事，想揾佢介紹個相熟兼可靠的狀幫手。佢條友收到個mail覆咗兩句就無影無縱，無他，個mentee只係普通人，幫咗佢都唔慌有人知，咁無着數，老湯梗係唔會拿屎上身，因為單嘢唔會撈到選票。
最後，爭取民主同做律師根本就係兩碼子的事，我相信唔少律師同大多數香港人關心的只係自己個飯碗，幾時有人工加，幾時儲夠錢買樓，恒生指數升幾多點，自己另一半對自己有幾好，仔囡听唔听話云云，千祈唔好話人無出色，目光短淺，只係人家早就明白到有啖飯落肚有件衫着吓，比空談口號來得實際，我哋偉大祖國就係响五、六、七十年代講太多口號，搞出文革個大頭佛出嚟。
我唔係反對民主，香港查實不患缺乏民主，患缺乏政治人材，民主只係制度，一個更好的制度如果無人材配合，同架一級方程式冇車手揸差唔多。要服務社會，就應該多啲參加社會地區工作，我睇老湯個樣讀書個陣只識同班長毛飛去挾Band，唔慌有參加過保釣、反貪污捉葛柏、法定語文運動呢D社會運動，佢同袋巾梁D忽然民主同班商家佬忽然愛國一樣，令人摸不着頭腦。
用番我偶像阿老余的邏輯，如果老湯咁愛民主，點解响英國佬年代佢又唔振臂高呼一人一票選港督，又或者全面普選立法局行政局呢? 無他，慌唔係怕被人話佢密謀背叛女皇，落得個叛國的罪名，固然會受牢獄之苦，搞到做唔成女皇御用就唔抵啦。家陣乜野都加價，豬牛麵粉隧道費博哂老命咁加，但係薪金又唔加，再加上美元弱過藥煲，拖累港紙賤過泥，貶值貶到老母都唔認得，自己副身家縮水，返工又悶义到九彩，得Q閒理你雙普選咩。
訂閱：
文章 (Atom)
