梁安琪你用個籮去讀law架?

標籤: ,


倉海君前日叫我睇樓下梁安琪那段競選辯論片段,真係多得佢唔少,差點搞到我缺氧死,因為真係笑撚到爆肺。條八婆開口埋口都以legal executive [註1]自居,劈頭第一句就引乜春區議員條例,挑你估係法庭呀,又話自己係HKUlegal diploma,大聲話“我係讀law架。”細佬由讀書到家陣執業,從來都唔會咁同人講,費事成日要做人哋法律顧問。不過如果佢條友係掂都無所謂,殊不知佢越講law,就連條紅老底都露晒出嚟,原來佢D law真係屎Q到震。

條粉皮話自己用咗四年時間做到
legal executive,沾沾自喜,但唔知佢又知唔知通常四年時間就可以攞到執業資格,咁比起上嚟,條粉樣真係白痴一名,等於同人講你去學打網球學咗幾個月先識揸拍,人哋學幾個月都識打正反手同開波。我又懷疑佢究竟係legal executiveparalegal,後者係泛指沒有法律執業資格但又從事與法律工作有關的人。即同我送文件、告票個位阿哥都叫paralegal。而legal executive係好似有個會要入,入咗先係legal executive,咁唔知條八婆有無入會? 分分鐘係舢板充炮艇。


不過,
legal executive都可以好叻,我間firmlegal executive阿周生就好掂,我同老板都成日揾佢請教。但梁安琪D law就屎到嚇親人。首先,陶君行話佢條八婆借免費法律講座為名去呃街坊,佢就話人誹謗,仲勢凶夾狼要告人。但佢唔知誹謗响呢個情況有三個defence(1) Justification,即係如果佢條臭貨同班狀棍真係有呃街坊,咁就等於陶生講真嘢,咁仲告物春呢;(2)Fair comment,即如果有關說話只係opinion /comment,而又出於公益利益兼講果陣又無惡意,加埋講者又信自己講D係堅嘢,咁就無事。鄭經翰告謝偉俊[2000]4HKC1,終審庭班老爺都話﹕-

Honesty of belief was the touch stone. Actuation by spite, animosity , intent to spite, intent to arouse controversy or other motivation, whatever it may be , even if it was the dominant or sole motive, did not of itself defeat the defence.

換句話,只要人哋陶生真實地從客觀事實/環境(如收到街坊投訴)個條八婆同班律師仔借物x講座掠水,而有關事件涉及公眾利益(擺明就係),咁就算人家係為咗選舉去抺黑你,你都吹人唔脹,最緊要人哋個句“呃街坊”係fair comment就得。陶生係話八婆借講座去揾生意(事實)而覺得佢哋“呃人”(意見),絕對有得打;(3)另外,仲有一樣叫做qualified privilege,即係被告人出於本身的責任去就事件作披露/報道,最重要係佢相信自己講D係事實。陶生係竹園區議員,見到你條臭四响度呃人,走去踢爆你都係出於責任,又何來會係誹謗? 最緊要陶生有genuine belief 就掂。梁小姐,告誹謗係講law point,唔係靠把死人聲,仲話自己識法律,識個屁!!!

條潑婦仲攞陶生陳年舊事嚟講,話人哋去遊行違反公安條例係知法犯法。不過我哋d有些道行的人就知條臭四無料,有單案例叫女皇訴陶君行、蔡耀昌[1994]4HKPLR356唔知佢條盲毛讀過未? 話說當年陶生蔡生兩人參加六四遊行(1989),佢哋事後衝擊新華社,同差佬發生碰撞,被人以違反公安條例第18條咁鋤,但最後法庭判呢條法例同人權法第17條保障集會示威自由有抵觸,即場放人兼無罪。枉梁安琪個粉樣仲大聲話人犯法,話自己係識法律,咁出名的判例都未讀過,好心佢揾條底褲笠住個頭返HKU再讀多幾年書先再出嚟獻世啦。仲話自己係legal executive,居然話法庭的判決係非法,真係大言不慚。

成場辯論最正個part,要數梁小姐一再強調被選區議員有「選舉特首」嘅人權嘅時候,黃毓民用佢把沙聲鬧﹕「個D係特權啊,盲毛!」真係一針見血,一個連特權同人權都搞唔清的人,仲以法律界人仕自居,真係好采佢無律師牌,如果唔係就害得人多。

我係度苦口婆心講句,Angel姐,你早唞啦,仲話自己用四年時間做了legal executive懶巴閉,老實講,legal diploma有幾難讀呀,我屋企個菲傭如果要讀都讀得掂啦,你去Oxford讀個BCL番嚟我就叫你聲契姐。作為一個識少少法律的人,我會用四個字總括梁安琪D法律知識──「黔驢技窮」。

註:

According to “The Concise Hong Kong English-Chinese Legal Dictionary” (2005 edition) the bilingual edition of the Hong Kong Legal Dictionary, paralegal means a person who performs legal, quasi-legal, or related work, although not admitted as a legal practitioner … also known as ‘legal assistant’ or ‘legal executive’. So ‘legal executive’ is hardly a qualification, at most a job title. Both the Legal Practitioner Ordinance Cap.159 and the Solicitors’ Practice Rules Cap.159H provide no definition to the term legal executive.


4 留言:

paulsin 說...

人民素質高,這種人就不會成為議員,甚至不會競選;可惜我們已到了布殊亦能做美國總統的年代...

arttacker 說...

段片簡直係陶君行o既助選片段

匿名 說...

咁咁唔知條八婆有無入會?
唔重要,入 o左都會比人踢出來

匿名 說...

佢係咩差野HKU 呀,剩係HKU SPACE 先開DIPLOMA IN LEGAL STUDIES,中五畢業已可以報,part time兩年讀十科pass 晒exam 就可以拿diploma 兼以legal executive名義出來撈, 佢要讀四年先pass 晒d exam 可見幾咁唔掂,仲要係度大大聲,失禮死人。

話時話佢讀過DLS則在YR 1 讀基本法時已經接觸過Hong Kong Bill of Rights, 有乜理由唔知咩係人權咩係特權?可見佢讀屎片。