你究竟係唔係中國人嚟架？

標籤: 不吐不快, 明日黃花

無綫攝影師突然發難
「陳巧文又應記者要求，張開展示該旗幟，一名無綫電視攝影師突然情緒激動，大聲向陳巧文提出質問：『你究竟係唔係中國人嚟架？……你邊度鄉下？』其舉動引起在場部份傳媒同行嘩然。」

　　如此傳媒（只係攝影師，算），一講到所謂民族大義，就完全無寬容嘅討論環境，就算有言論自由都無用。

　　我諗起金晶呢位「民族英雄」，回國講兩句話旋即變成「漢奸」 （真係立即變奸又得，得咗）。有關當局不如整返張清單，話畀大家知中國人有咩唔做得，以免一時不慎淪為英美走狗漢奸賣國賊。

　　不過佢有咁嘅意見都正常，又無打人，一時扯火都由得佢。但連我哋嘅入境處都玩埋啲咁嘅嘢，就真係唔能夠唔問吓發生咩事。

聖火示威者抵港遭遣返 《國殤之柱》原作者 表明和平示威
「但指入境處有責任執行有效的入境管制，以確保香港的公眾利益。」
李少光：不容藏獨分子入境
「民政事務局常任秘書長尤曾家麗早前表示，當局手上並沒有不准入境的『黑名單』。」
「李少光出席商台節目《政經星期六》訪問時，表明入境處會嚴守邊境，不會讓藏獨分子入境」

　　睇到我好亂，如果會考整份咁嘅嘢，再問考生「究竟香港有沒有不准入境的黑名單？」，肯定又俾人投訴。恐怖份子就話唔入得，點解支持藏獨j都唔入得境？咁支持藏獨嘅香港人係咪要逮戒出境？