剛收到消息指中大學生報被淫褻及不雅物品審裁處評為不雅刊物──也就是要包膠袋那個級別。
使唔使？
問兩句亂倫人獸交就被人評做不雅？我認同中大學生報的用詞有一定的斟酌空間，不能完全說是中立客觀，但距離「鼓勵」、「鼓吹」、「支持」、「誨淫誨盜」仍有極遠的距離。
如果連以文字問問這些議題也是「不雅」，那麼，審裁處，請你告訴我，「全城追目及溏心胸部」、「嫌男友阻止剝」、「淫毒細契勾佬」、「奇景！無波有罅！」、「李家誠赤柱享用徐子淇」、「章小蕙讓半球」這類標題，這類文字，配以「繽紛」的圖片，為什麼，為甚麼不是不雅？為甚麼每天觸目皆及都是這種標題？
香港社會，你無撚病下話？
使唔使？
標籤:
明日黃花,
hystericireul
訂閱：
發佈留言 (Atom)
4 留言:
真係痴撚o左線，我想知淫褻及不雅物品審裁處係主動定係被動審查
大佬, 傳媒冇taste唔係冇人鬧架,
大學生情色冇問題bor但係大學生咁冇taste就唔ok lor
至於傳媒其身不正又插大學生好正常架, 人性係咁
照宜家個情況睇，件事就快變成學生同校方響校政同權力方面0既大對決。
學生報係蠢，但睇睇下校方似乎仲蠢。家陣玩到又拉又鎖，一個唔該學生報0既人要入冊，即時變成人民英雄，校方到時一身蟻。宜家有人發起簽名撐學生0既 campaign，都有0的 noise；學校0個邊再係咁玩0野，可能仲大鑊過班學生。
今日睇報紙見香樹輝響專欄度講呢件事，雖然唔同意學生報做法，但評論都好留手，唔同早前英語教學嗰陣咁出盡九牛二虎之力去插人。似乎親校方建制派0既人之中，醒目0的0既都可能聞到陣除有唔妥，認為唔應該玩到咁盡。宜家就睇校方0個邊醒唔醒爬喇...
1. 傳媒都係有人鬧，問題係每個星期都見到果d低品味標題但從來唔會畀人評做「不雅」。
2. 點解傳媒雜誌可以奉旨無taste但係大學生無taste 就要拉要鎖，甚至開除學籍，負上刑責? 我意思唔係話佢地做得岩，但係就算有錯，使唔使去到咁盡?
3. 其身不正又要用同樣既野插人，就算係人性亦唔代表合理。
4. 校方簡直係蠢，玩落井下石，只會令件事越搞越糟，其實應該以學生出發，表達關注之餘又要畀下台階雙方，但係佢一開始唔畀學生入會議就已經做錯左。
發佈留言