小人物日記限量別注版

標籤: 天馬行空, 舒爾賽

4月12日　晴

一天早晨，舒爾賽從煩燥不安的睡夢中醒來，發現躺在又黑又凍的密室裏。

「後生仔，衰咩入來呀？」陳伯如是說

「衰舒爾賽囉。」我如是說

接著問了陳伯一句：「o依？乜陳伯你都入咗來呀？」

「係呀，你叫咩名呀ｏ靚仔？」陳伯問道

「我叫舒爾賽呀陳伯。」我這樣回答說

「嘩，乜舒（輸）舒（輸）咁難聽呀？做乜好人好姐改個咁gei名呀？真係唔怪之得你咁霉要入來咯。」陳伯怪異地問。

「唏，陳伯，如果叫舒爾賽就話輸輸聲唔好聽，咁舒蕪咪仲慘？輸（舒）到成副身家都無（蕪）喎。」我答他

「唓，都唔知你講乜野，成個書呆子咁，我成日教個仔呀，讀咁多書做乜，獨（讀）贏點都好過讀（獨）書（輸）。」陳伯如是地回應

「哈，陳伯，非也非也，書字晌潮州話同輸係唔同音架。」我回應陳伯說

「都唔知你up乜q。」陳伯不屑地回應。

「咁陳伯你又衰咩入來呀？」我隨口問道

「唉，衰衝動囉」陳伯很無奈地道

「點衰衝動先？」

「我諗住學曾特首講做好呢份工，點知原來d老闆係諗住叫你死而後已，做到生命的最後一刻，果然，我就係衰衝動請纓就咁打柴，幾十歲，都無得你揀，有得揀我一早做左老闆啦，點知無得揀，而家臨老仆冚家剷。」陳伯無奈地又再說道

「嗯嗯，不過講開就講，陳伯你好似支砲頂住我後欄喎！」

「喂，舒仔，我幾十歲人都太監騎馬，無撚得頂啦，邊有可能頂住你呀，地方屈窄，將就下好喎。」

「哦？咁我又諗到一個喎，如果太監打飛機咪即係無撚用？」

「哈，後生仔果然好創意」

櫃門打開，又多一個人入冊

「哦？張師奶，你又衰咩入來呀？」

「你又知我叫張師奶？」張師奶問道

「你手帶有寫嘛」

「唉，衰被人呃囉，上個月去百佳買左兩條鱈魚，點知屙左成晚油，已經個身體唔係幾好，今個月，我晌將軍澳兩個街市都有檔，一邊燒左我幾十萬貨，一浸左我十幾萬貨，兩邊無晒，兩大皆空，受唔住打擊，爆血管囉，你話，領匯係咪仆街來架？」張師奶講後不停詭異地飲泣

「嗯嗯，真係慘」

「係呀，真係屍骨都未寒呀。」

「唔怪得你ｄ皮膚仲咁有彈性啦，係喎，但係陳伯你好似攤左晌度好耐架啦喎」

「唉，你而家訓緊個位，之前係張伯訓gei，原本今日到我出冊，點知我個死婆幾十歲人，老公都認唔到，領左張伯去，留返我一個晌度，如果唔係有你陪，我諗我要死多幾次都唔掂。」

唉..........................

故事純粹虛構
如有雷同
請勿對號入座